.png)
ಫೆಬ್ರೆರ್ 26ವೆರ್ ಆಯ್ತಾರಾ ಸಕಾಳಿಂ 8.15 ವೊರಾರ್ ಮಾ| ಬಾ| ಬೊನಿಫಾಸ್ ಪಿಂಟೊ ಬಾಪಾಂನಿ ಅರ್ಗಾಂ ಬಲಿದಾನ್ ಭೆಟಯ್ಲೆಂ. ಮಿಸಾ ಉಪ್ರಾಂತ್ ಫಿರ್ಗಜೆಚ್ಯಾ ಜ್ಯುಬಿಲಿ ಸಾಲಾಂತ್ ಸಾಂಸ್ಕøತಿಕ್ ಕಾರ್ಯಕ್ರಮ್ ಮಾಂಡುನ್ ಹಾಡ್‍ಲ್ಲೆಂ. ವಿಗಾರ್ ಬಾಪ್ ಕಾರ್ಯಾಚೆ ಅಧ್ಯಕ್ಷ್ ಜಾವ್ನ್ ಹಾಜಿರ್ ಆಸ್‍ಲ್ಲೆ. ಮಾ| ನವೀನ್ ಪಿಂಟೊ, ಉಪಾಧ್ಯಕ್ಷ್ ಅನಿಲ್ ಲೋಬೊ, ಕಾರ್ಯದರ್ಶಿ ಡೊಲ್ಫಿ ಸಲ್ಡಾನಾ, ಸಂಯೊಜಕಿ ಎಮಿಲ್ಡಾ ಮೊಂತೆರೋ ವೆದಿರ್ ಹಾಜಿರ್ ಆಸೊನ್ ಕುಮಾರಿ ಶರಲಾನ್ ಸರ್ವಾಂಕ್ ಸ್ವಾಗತ್ ಕರ್ನ್ ಫುಲಾಂ ಅರ್ಪಿಲಿಂ.
ವಿಗಾರ್ ಬಾಪಾನಿ ತಾಂಚ್ಯಾ ಸಂದೇಶಾಂತ್ ಕ್ರೀಸ್ತಿ ಶಿಕ್ಷಣ್ ಆಮ್ಕಾಂ ಆತ್ಮಿಕ್ ಗ್ರೇಸ್ತ್ ಕಾಯ್ ಚಡಯ್ತಾ ಅನಿ ಪೋಷಕಾಂನಿ ಪ್ರತ್ಯೇಕ್ ಥರಾನ್ ಭುಗ್ರ್ಯಾಂಕ್ ಕ್ರೀಸ್ತಿ ಶಿಕ್ಷಣಾ ಥಂಯ್ ಉತ್ತೇಜನ್ ದಿಂವ್ಕ್ ಉಲೊ ದಿಲೊ. ಸರ್ವ್ ಶಿಕ್ಷಕಾಂಚೊ ತಾಣಿಂ ಉಪ್ಕಾರ್ ಆಟಯ್ಲೊ. ಶ್ರೀ ಆನಿಲ್ ಲೋಬೊನ್ ಕ್ರೀಸ್ತಿ ಶಿಕ್ಷಣ್ ಆಮ್ಕಾಂ ಕುಟ್ಮಾಂತ್ ತಶೆಂ ಫಿರ್ಗಜೆಂತ್ ಜಿಯೆಂವ್ಕ್ ವರ್ತೆಂ ಪ್ರೇರಣ್ ಜಾತಾ ಮ್ಹಣ್ ಕಳಯ್ಲೆಂ.
ಪ್ರಜ್ವಲ್, ಮಿಶೆಲ್ ಆನಿ ಜೀನ್ ಹಾಣಿಂ ಕ್ರೀಸ್ತಿ ಶಿಕ್ಷಣಾಂಚೊ ಆನ್ಭೋಗ್ ಉಚಾರ್ಲೊ. ಶ್ರೀಮತಿ ಡಿಂಪಲ್ ಸಾಂತಾನೆÉೀಜ್ ಹಿಣೆಂ ಪೋಷಕಾಂ ತರ್ಭೆನ್ ಕ್ರೀಸ್ತಿ ಶಿಕ್ಷಣಾಂತ್ ಅತ್ಮಿಕ್ ವಾಡಾವಳ್ ಜಾಂವ್ಚ್ಯೆ ಖಾತಿರ್ ಹರ್ಯೆಕಾ ಅವಯ್ ಬಾಪಾಯ್ನ್ ಸಹಕಾರ್ ದಿಂವ್ಕ್ ಉಲೊ ದಿಲೊ. ಶ್ರೀಮತಿ ಗ್ಲ್ಯಾಡಿಸ್ ಡಿ’ಸೋಜ 17 ವರ್ಸಾಂ ಥಾವ್ನ್ ಏಕ್ ಕ್ರೀಸ್ತಿ ಶಿಕ್ಷಣಾಚಿ ಶಿಕ್ಷಕಿ ಜಾವ್ನ್ ಜೆಜುಚ್ಯಾ ಮೆಟಾಂನಿ ಚಲೊಂವ್ಕ್ ತಶೆಂಚ್ ಅತ್ಮಿಕ್ ವಾಡಾವಳ್ ಚಡೊಂವ್ಕ್ ನಿಜಾಯ್ಕಿ ಭುಗ್ರ್ಯಾಂಕ್ ದೆವಾ ಥಂಯ್ ಲಾಗಿಂ ವರುಂಕ್ ತಿಚಿ ಆಶಾ ಕಳಯ್ಲಿ.
ಕ್ರೀಸ್ತಿ ಶಿಕ್ಷಣಾಚ್ಯಾ ಪರೀಕ್ಷೆಂತ್ ಉತ್ತಿಮ್ ಅಂಕ್ ಜೊಡ್‍ಲ್ಲ್ಯಾಂಕ್ ವಿಗಾರ್ ಬಾಪ್, ಸಹಾಯಕ್ ವಿಗಾರ್ ಬಾಪ್, ಶ್ರೀ ಆನಿಲ್ ಲೋಬೊ ಆನಿ ಶ್ರೀ ಡೊಲ್ಫಿ ಸಲ್ಡಾನಾನ್ ಇನಾಮಾಂ ವಾಂಟ್ಲಿಂ.
ಕ್ರೀಸ್ತಿ ಶಿಕ್ಷಣಾಕ್ ಚುಕಾನಾಸ್ತಾನಾ ಹಾಜರ್ ಜಾಲ್ಲ್ಯಾ 150 ಭುಗ್ರ್ಯಾಂಕ್ ಬಹುಮಾನಾ ದಿಲಿಂ. ನಿಜಾಯ್ಕಿ ವರ್ತೊ ಸಂತೊಸ್.
ಸಗ್ಳೆಂ ಕಾರ್ಯೆ ಜೆನಿಕಾ ಕೊರ್ಡೆರೊನ್ ಚಲೊವ್ನ್ ವೆಲೆಂ.
