.png)
ಮೇ 30, 2017ವೆರ್ ಮಾಗ್ಣ್ಯಾಚ್ಯಾ ವರ್ಸಾಚೆಂ ಸಮಾಪ್ತ್ ಕಾರ್ಯೆಂ ಮಾಂಡುನ್ ಹಾಡ್‍ಲ್ಲೆಂ. ಸುರ್ವೆರ್ ಗ್ರೊಟ್ಟ್ಯಾ ಮುಕಾರ್ ತೇರ್ಸ್ ಆನಿ ಮಾಗ್ಣೆಂ ಅಸ್‍ಲ್ಲೆಂ. ಉಪ್ರಾಂತ್ ಸಂಭ್ರಮಿಕ್ ಮೀಸ್ ವಿಗಾರ್ ಬಾಪಾನಿ ಭೆಟಯ್ಲೆಂ. ಸಹಾಯಕ್ ವಿಗಾರಾನ್ “ಮರಿ ಮಾಂಯ್ ಆಮ್ಚೆ ಸಾಂಗಾತಾ” ಹ್ಯಾ ವಿಶ್ಯಾಂತ್ ಶೆರ್ಮಾಂವ್ ದಿಲೊ. ಉಪ್ರಾಂತ್ ಮಾಗ್ಣ್ಯಾಚ್ಯಾ ವರ್ಸಾ ಉತ್ತೀಮ್ ರಿತಿನ್ ಮೆತೆರ್ಪಣ್ ಘೆತ್‍ಲ್ಲ್ಯಾ ಲೂಡ್ಸ್ರ್ಸ್ ವಾಡ್ಯಾಕ್ ಪಯ್ಲೆಂ ಸ್ಥಾನ್, ಸಾಂ ಬಸ್ತ್ಯಾಂವ್ ವಾಡ್ಯಾಕ್ ದುಸ್ರೆಂ ಆನಿ ಸಾಂ ಅಂತೊನ್ ವಾಡ್ಯಾಕ್ ತಿಸ್ರೆಂ ಸ್ಥಾನ್ ಮೆಳ್ಳ್‍ಲ್ಲ್ಯಾ ವಗ್ತಾ, ಯಾದಿಸ್ತಿಕಾ ದೀವ್ನ್ ಸನ್ಮಾನ್ ಕೆಲೆಂ. ವಿಗಾರ್ ಬಾಪಾನಿ, ‘ಮಾಗ್ಣ್ಯಾಚೆಂ ವರಸ್’ ಫಳಾಭರಿತ್ ಆನಿ ಯಶಸ್ವಿ ರಿತಿನ್ ಕಾರ್ಯರುಪಾರ್ ಹಾಡುಂಕ್ ವಾವ್ರ್ ಕೆಲ್ಲ್ಯಾಂಚೊ ಉಪ್ಕಾರ್ ಭಾವುಡ್ಲೊ. ಉಪಾಧ್ಯಕ್ಷ್ ಶ್ರೀ ಅನಿಲ್ ಲೋಬೊನ್ ಮಾಗ್ಣ್ಯಾಚ್ಯಾ ವರ್ಸಾ ವಾಡ್ಯಾಚಾಂನಿ ಘೆತ್‍ಲ್ಲ್ಯಾ ಮೆತೆರ್ಪಣಾ ವಿಶ್ಯಾಂತ್ ಆಪ್ಣಾಚಿ ಭೊಗ್ಣಾಂ ಉಚಾರ್ಲಿಂ. ಕಾರ್ಯದರ್ಶಿ ಶ್ರೀ ಡೊಲ್ಫಿ ಸಲ್ಡಾನಾನ್ ಕಾರ್ಯೆಂ ಚಲವ್ನ್ ವ್ಹೆಲೆಂ.
