.png)
ಸಪ್ಟೆಂಬರ್ 30, 2017 ತಾರಿಕೆರ್ ಸಾಂ ಫ್ರಾನ್ಸಿಸ್ ಅಸ್ಸಿಸಿಚ್ಯಾ ತಿಸ್ರ್ಯಾ ಓಡ್ದಿಚೆ ಫೆಸ್ತ್ ವಾಲೆನ್ಸಿಯಾ ಘಟಕಾಚ್ಯಾ ಸಾಂದ್ಯಾಂನಿ ಗದ್ದಳಾಯೆನ್ ಆಚರ್ಸಿಲೆಂ. ಮಿಸಾಚೆ ಬಲಿದಾನ್ ವಿಗಾರ್ ಬಾಪಾಂನಿ ಆನಿ ಪ್ರಾಂತ್ಯಾ ಅತ್ಮಿಕ್ ದಿರೆಕ್ತೊರ್ ಮಾ| ಬಾ| ಮನೋಹರ್ ಡಿ’ಸೋಜ ಕಾಪುಜಿನ್ ಹಾಣೆ ಪ್ರಸಂಗ್ ದಿಲೊ. ಮಿಸಾ ಉಪ್ರಾಂತ್ ಫೆರೆರ್ ಸಾಲಾಂತ್ ಸಹಮಿಲನ್ ಆಸಾ ಕೆಲೆಂ.
ಆಧ್ಯಕ್ಷಿಣ್ ಭಯ್ಣ್ ಸಿಸಿಲಿಯಾ ಸಿಕ್ವೇರಾನ್ ವಿಗಾರಾಕ್ ಆನಿ ಸಹಯಕ್ ವಿಗಾರ್, ಮಾ| ಬಾ| ಆರುಣ್ ಲೋಬೊ ಆನಿ ಮಾ| ಬಾ| ವಿಲಿಯಂ ಬರೋಕಸ್, ಮಾ| ಬಾ| ಮನೋಹರ್, ಪ್ರಾಂತ್ಯಾಚೊ ಅಧ್ಯಕ್ಷ್ ಬಾವ್ ಆಲ್ವಿನ್ ಮೊಂತೆರೊ ತಶೆಂಚ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಶ್ರೀ ಆನಿಲ್ ಲೋಬೊ, ಕಾರ್ಯದರ್ಶಿ ಶ್ರೀಮತಿ ಲಿಝಿ ಪಿಂಟೊ ಹಾಂಕಾ ಫುಲಾಂ ತುರೆ ದೀವ್ನ್ ಸ್ವಾಗತ್ ಕೆಲೊ. ವರ್ಸಾ ಮಧೆಂ ಕೆಲ್ಲ್ಯಾ ಕಾಮಾಂಚಿ ವರ್ದಿ ಭಯ್ಣ್ ಜೆಸ್ಸಿ ಬಾರೆಟ್ಟೊನ್ ವಾಚ್ಲಿ. ವಿಗಾರ್ ಬಾಪಾಂನಿ ತಶೆಂಚ್ ಸಹಯಕ್ ವಿಗಾರ್ ಬಾಪಾಂನಿ ಸಾಂದ್ಯಾಂಕ್ ಬರೆಂ ಮಾಗೊನ್ ಫೆಸ್ತಾಚೆ ಉಲ್ಲಾಸ್ ಪಾಟಯ್ಲೆಂ. ಪ್ರಾಂತ್ಯಾಚೊ ಅಧ್ಯಕ್ಷ್ ಬಾವ್ ಆಲ್ವಿನ್ ಮೊಂತೊರೊ ಹಾಣೆಂ ಸಂದೇಶ್ ದಿಲೊ.
ಸಾಂದ್ಯಾಂನಿ ಮನೋರಂಜನ್ ಜಾವ್ನ್ ಪದ್, ನಾಟ್ಕುಳೊ ಪ್ರದರ್ಶಿತ್ ಕರ್ನ್ ಸರ್ವಾಂಕ್ ಸಂತೊಸಾಯ್ಲೆಂ. ಶ್ರೀ ಡೊಲ್ಫಿ ಸಲ್ಡಾನಾನ್ ಫೊಕಾಣಾಂ ಸಾಂಗೊನ್ ಖೆಳ್ ಚಲವ್ನ್ ವ್ಹೆಲೆಂ. ಭಯ್ಣ್ ಐಡಾ ಡಿ’ಸೋಜಾನ್ ಧನ್ಯವಾದ್ ಪಾಟಯ್ಲೆಂ. ಫಾ| ಆರುಣ್ ಲೋಬೊನ್ ಮಾಗ್ಣ್ಯಾ ವಿಧಿ ಚಲಯ್ಲಿ. ಫಾ| ವಿಲಿಯಂ ಬರೊಕಸಾನ್ ಇನಾಮಾಂ ವಾಂಟ್ಲಿಂ. ಭಯ್ಣಿ ರೀಟಾ ಮಿನೇಜಸಾನ್ ಸಗ್ಳೆಂ ಕಾರ್ಯೆಂ ಭೋವ್ ಆರ್ಪುಬಾಯೆನ್ ಚಲವ್ನ್ ವ್ಹೆಲೆಂ. ರುಚಿಕ್ ಜೆವ್ಣಾ ಸವೆಂ ಫೆಸ್ತಾಚೆಂ ಕಾರ್ಯೆಂ ಸಂಪ್ಲೆಂ.
