Parish News

2018 - ಸುಕ್ರಾರ್ : ನಿಮಾಣ್ಯಾ ಸುಕ್ರಾರಾಚಿ ದೇವ್‍ಸ್ತುತಿ ಸಾಂಜೆರ್ 6 ವರಾರ್ ಇಗರ್ಜೆಚ್ಯಾ ಉಗ್ತ್ಯಾ ಮೈದಾನಾರ್ ಚಲೊವ್ನ್ ವ್ಹೆಲಿ. ಮಾ|ಬಾ|ನವೀನ್ ಪಿಂಟೊನ್ ಪ್ರಧಾನ್ ಯಾಜಕ್ ಜಾವ್ನ್ ಸೆರೆಮನಿಚಿ ಜವಾಬ್ದಾರಿ ಘೆತ್‍ಲ್ಲಿ. ಮಾ|ಬಾ|ಅರುಣ್ ಲೋಬೊನ್ ಶೆರ್ಮಾಂವ್ ದಿಲೊ. ಮಾ|ಬಾ|ವಿಲಿಯಂ ಬರಾಕ್ಕೊಸಾನ್ ಖುರ್ಸಾಚೆಂ ಭಜನ್ ಚಲೊವ್ನ್ ವ್ಹೆಲೆಂ. ಗಾಯಾನಾ ರುಪಾರ್ ಜೆಜುಚ್ಯಾ ಕಷ್ಟಾ ಮರ್ಣಾಚಿ ಚರಿತ್ರಾ ಪ್ರಸ್ತುತ್ ಕೆಲಿ. ಖುರ್ಸಾಚೊ ಉಮೊ ಜಾತಚ್, ಕ್ರಿಸ್ತ್ ಪ್ರಸಾದ್ ಸೆವ್ಲೊ; ಉಪ್ರಾಂತ್ ಜೆಜುಚಿ ನಿರ್ಜಿವ್ ಕೂಡ್ ಘೆವ್ನ್ ಪುರ್ಶಾಂವ್ ಕಾಡ್ಲೊ.

ಸಾಕಾಳಿಂ 7 ವರಾರ್ ವ್ಹಡಾಂಕ್ ಖುರ್ಸಾ ವಾಟ್ ಹೋಲಿ ರೊಜಾರಿ ಕೊವೆಂತಾಚ್ಯಾ ಧರ್ಮ್ ಭಯ್ಣಿಂನಿ ಚಲೊವ್ನ್ ವ್ಹೆಲಿ. ಭುಗ್ರ್ಯಾಂಚಿ ಖುರ್ಸಾ ವಾಟ್ ಸಾಕಾಳಿಂ 9 ವರಾರ್ ಭುಗ್ರ್ಯಾಂನಿಂಚ್ ಚಲೊವ್ನ್ ವ್ಹೆಲಿ.