.png)
ನವೆಂಬರ್ 12, 2016 ತಾರಿಕೆರ್ ಸನ್ವಾರಾ ಸಾಂಜೆರ್ ಫೆರೆರ್ ವಾಡ್ಯಾಚೊ ದೀಸ್ ಸಂಭ್ರಮಾನ್‍ ಆಚರಣ್ ಕೆಲೊ. ಸಾಂಜೆರ್ 5.30 ವೊರಾರ್ ಬಾಪ್ ನವೀನ್ ಪಿಂಟೊನ್ ಮಿಸಾಚೆ ಬಲಿದಾನ್ ಭೆಟಯ್ಲೆಂ. ಮಿಸಾ ಉಪ್ರಾಂತ್ ವಾಡ್ಯಾಗಾರಾಂ ಫೆರೆರ್ ಸಾಲಾಂತ್ ಸಾಂಗಾತಾ ಮೆಳ್ಳಿಂ. ಕಾರ್ಯಾಕ್ ಮಾನಾಚೆ ಸಯ್ರೆ ಜಾವ್ನ್ ವಿಗಾರ್ ಬಾಪ್, ಸಹಾಯಕ್ ವಿಗಾರ್, ವಸ್ತೆ ಯಾಜಕ್ ಬಾಪ್ ಆರುಣ್ ಲೋಬೊ, ಮಾ|ಬಾ| ವಿಲಿಯಂ ಬರೊಕ್ಕಾಸ್‍ ತಶೆಂಚ್ ಫಿರ್ಗಜ್‍ ಗೊವ್ಳಿಕ್ ಪರಿಶದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ಅರುಣ್‍ ರಾಜ್‍ ರೊಡ್ರಿಗಸ್, ಕಾರ್ಯದರ್ಶಿ ಮಾನೆಸ್ತ್ ಲೆಸ್ಲಿ ಸೊಜ್ ಆನಿ ಉರ್‍ಲ್ಲ್ಯಾ ವಾಡ್ಯಾಂಚೆ ಗುರ್ಕಾರ್ ಹಾಜರ್‍ ಆಸ್‍ಲ್ಲೆ.
ಸುರ್ವೆರ್‍ ಗೀತ್‍ ಗಾವ್ನ್‍ ಕಾರ್ಯಕ್ರಮಾಚೆರ್‍ ದೆವಾಚೊ ಆಶೀರ್ವಾದ್ ಮಾಗ್ಲೊ. ಲ್ಹಾನಾಂ ಭುಗ್ರ್ಯಾನಿಂ ನೃತ್ಯ್‍ ರೂಪಾರ್ ಸ್ವಾಗತ್ ಕೆಲೊ ಆನಿ ಜಮ್ಲೆಲ್ಯಾ ಸರ್ವಾಂಕ್‍ ಗುರ್ಕಾರ್ನ್ ಶ್ರೀಮತಿ ಇವೆಟ್ ಪಿರೇರಾನ್ ಸ್ವಾಗತ್ ಕೆಲೊ. ಸಂಚಾಲಕಿ ಶ್ರೀಮತಿ ತೆರೆಜಾ ಲೀಡಾ ಅಕ್ವಿನಸಾನ್‍ ವಾರ್ಷಿಕ್ ವರ್ದಿ ಸಭೆ ಮುಕಾರ್‍ ದವರ್ಲಿ. ವಿಗಾರ್ ಬಾಪ್ ಮಾನಾಧಿಕ್‍ ಜೇಮ್ಸ್ ಡಿ’ಸೋಜನ್ ಆಪ್ಲೊ ಸಂದೇಶ್ ದೀವ್ನ್ ವಾಡ್ಯಾಚೆ ಗುರ್ಕಾರ್ನಿಕ್‍ ತಶೆಂಚ್ ಸರ್ವ್ ವಾಡ್ಯಾಗಾರಾಂಕ್ ಬರೆಂ ಮಾಗ್ಲೆಂ.ಮಾಜಿ ಗುರ್ಕಾರ್ನ್ ಶ್ರೀಮತಿ ರೀಟಾ ಮಿನೇಜಸ್ ಹಿಣೆಂ ವಾಡ್ಯಾಕ್ ದಿಲ್ಲ್ಯಾ 8 ವರ್ಸಾಚೆಂ ಸೆವೆ ಖಾತಿರ್ ಫುಲಾಂಚೊ ತುರೊ ದೀವ್ನ್ ಸನ್ಮಾನ್ ಕೆಲೊ. ತಶೆಂಚ್ ಶ್ರೀ ಆಲ್ವಿನ್ ಮಸ್ಕರೇನಾಸಾಕ್‍ ತಾಚ್ಯಾ 70 ವರ್ಸಾಂಚ್ಯಾ ಜಲ್ಮಾ ದಿಸಾಚೆಂ ಶುಭಾಶಯ್ ಪಾಠಯ್ಲೆಂ.
ವಾಡ್ಯಾ ಥಾವ್ನ್ ವಿವಿಧ್ ಮನೋರಂಜನ್‍ ಕಾರ್ಯೆಂ ಮಾಂಡುನ್ ಹಾಡ್‍ಲ್ಲೆಂ, ಶ್ರೀಮತಿ ಲೀನಾ ಡಿ’ಸೋಜನ್ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊ.ಶ್ರೀಮತಿ ಶೋಭಾ ಕ್ರಾಸ್ತ್ತಾನ್ ಸಗ್ಳೆಂ ಕಾರ್ಯೆಂ ಚಲೊವ್ನ್ ವೆಲೆಂ. 125 ಜಣಾಂನಿ ಹ್ಯಾ ಸಂಭ್ರಮಾಂತ್ ಭಾಗ್‍ ಘೆತ್‍ಲ್ಲೊ. ಮಾ|ಬಾ| ವಿಲಿಯಂ ಬರೊಕ್ಕಾಸನ್‍ ಜೆವ್ಣಾಚೆರ್ ಆಶೀರ್ವಾದ್ ಮಾಗ್ಲೊ ಆನಿ ಜೆವ್ಣಾ ಸವೆಂ 9 ವೊರಾರ್ ಕಾರ್ಯೆಂ ಸಂಪ್ಲೆಂ.
ತೆರೆಜಾ. ಎಲ್. ಅಕ್ವಿನಸ್ - ಸಂಚಾಲಕಿ
