.png)
‘ಪವಿತ್ರ್ ಅತ್ಮೊ’ ವಾಡ್ಯಾಚೆಂ ಫೆಸ್ತ್ ಜೂನ್ 4, 2017 ತಾರ್ಕೆರ್ ಗದ್ದಳಾಯೆನ್ ಆಚರಣ್ ಕೆಲೆಂ. ಸಾಕಾಳಿಂ 6.30 ವೊರಾರ್ ವಾಡ್ಯಾಗಾರಾಂನಿ ಸಾಂಗಾತಾ ಮೆಳೊನ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಸಾಂಜೆರ್ 6 ವೊರಾರ್ ಫಿರ್ಗಜೆಚಾ ಫೆರೆರ್ ಹೊಲಾಂತ್ ಫೆಸ್ತಾಚೊ ಸಂಭ್ರಮ್ ಚಲಯ್ಲೊ. ಶ್ರಿಮತಿ ನ್ಯಾನ್ಸಿ ಡಿ’ಸೋಜನ್ ಪಾಟ್ಲ್ಯಾ ಎಕಾ ವರ್ಸಾಂತ್ ವಾಡ್ಯಾಂತ್ ಜಾಲ್ಲ್ಯಾ ಚಟುವಟಿಕೆಂ ವಿಶಿಂ ಸಂಕ್ಷಿಪ್ತ್ ವರ್ದಿ ವಾಚ್ಲಿ. ವಾಡ್ಯಾಂತ್ಲ್ಯಾ ಮಾಲ್ಗಡ್ಯ್ಯಾಂಕ್ ತಶೆಂಚ್ 2016-17 ಶೈಕ್ಷಣಿಕ್ ವರ್ಸಾ ಧಾವೆಂತ್ ಆನಿಂ ಪಿ.ಯು.ಸಿ.ಂತ್ ಉತ್ತಮ್ ಅಂಕ್ ಜೊಡ್ನ್ ಉತ್ತೀರ್ಣ್ ಜಾಲ್ಲ್ಯಾ ಭುರ್ಗ್ಯಾಂಕ್ ವಿಗಾರ್ ಬಾಪಾಂನಿ ಆನಿ ಸಹಾಯಕ್ ವಿಗಾರಾನ್ ಸನ್ಮಾನ್ ಕೆಲೊ. ಫಿರ್ಗಜೆಚೆ ವಿಗಾರ್ ಮಾನಾಧಿಕ್ ಬಾಪ್ ಜೇಮ್ಸ್ ಸೋಜನ್ ಅಪ್ಲ್ಯಾ ಸಂದೇಶಾಂತ್ ಫೆಸ್ತ್ ಆಚರಣ್ ಕಿತ್ಯಾಕ್ ಗರ್ಜೆಚೆಂಗಿ ಮ್ಹಣ್ ವಿವರಿಲೆಂ. ತಶೆಂಚ್ ವಡಾ ಸಂಖ್ಯಾನ್ ಫೆಸ್ತಾಚಾ ಸಂಭ್ರಮಾಕ್ ಹಾಜರ್ ಜಾಲ್ಲ್ಯಾ ವಾಡ್ಯಾಗಾರಾಂಕ್ ಉಲ್ಲಾಸ್ ಪಾಟಯ್ಲೆಂ ಆನಿಂ ವಾಡ್ಯಾಂತ್ ಜಾಂವ್ಚ್ಯಾ ಚಟುವಟಿಕೆ ವಿಶಿಂ ಹೊಗ್ಳಿಕ್ ಉಚಾರ್ಲಿ. ಉಪಾಧ್ಯಕ್ಷ್, ಕಾರ್ಯದರ್ಶಿ, ವಸ್ತೆ ಯಾಜಕ್, ಬಾಪ್ ವಿಲಿಯಂ ಬಾರೊಕಸ್ ಹಾಜರ್ ಆಸ್‍ಲ್ಲೆ. ವೆದಿ ಕಾರ್ಯಾ ನಂತರ್ ವಾಡ್ಯಾಚಾ ಭುರ್ಗ್ಯಾಂನಿ ತಶೆಂಚ್ ವಡಾಂನಿ, ಪದಾಂ, ನಾಚ್, ಖೆಳ್ ಆನಿ ನಾಟ್ಕುಳ್ಯಾ ದ್ವಾರಿಂ ಜಮ್ಲೆಲ್ಯಾಂಕ್ ಮನೋರಂಜನ್ ದಿಲೆಂ. ಜೆವಣ್ ಆನಿ ಬೈಲಾ ನಾಚೊನ್ 9.30 ವೊರಾರ್ ಫೆಸ್ತಾಚೊ ಸಂಭ್ರಮ್ ಅಖೇರ್ ಕೆಲೊ.
