.png)
Sept. 3, 2016: ಸಾಂ ವಿಶೆಂತ್ ಫೆರೆರ್ ಕಿಂಡರ್ ಗಾರ್ಟನ್ ಇಸ್ಕೊಲಾಚೆಂ ಶಿಕ್ಷಕ್ ರಕ್ಷಕಾಂಚೆ ಸಹಮಿಲನ್ ಅಗೊಸ್ತ್ ಮಹಿನ್ಯಾಚ್ಯಾ 12ವೆರ್ ಸಕಾಳಿಂ 9.30 ಥಾವ್ನ್ 11.30 ವೊರಾಂ ಪರ್ಯಾಂತ್ ಚಲ್ಲೆಂ. ಭುಗ್ರ್ಯಾಂಚಿ ಜತನ್ (Child Care) ಆವಯ್ ಬಾಪಯ್ಕ್ ಹಿಶಾರೆ (Tips for parenting) ಮ್ಹಳ್ಳ್ಯಾ ವಿಶಯಾಚೆರ್ ಸಂಪನ್ಮೂಳ್ ವ್ಯಕ್ತಿ ಜಾವ್ನ್ ರೋಶನಿ ನಿಲಯ ಕಾಲೇಜಿಚಿ ಡಾ|ಮೀನಾ ಮೊಂತೆರೋ ಹಾಜಿರ್ ಅಸ್‍ಲ್ಲಿ. ಪೋಷಕಾಂಕ್ ತಾಂಚ್ಯಾ ಭುಗ್ರ್ಯಾಂಕ್ ಕಶೆಂ ವಾಡಾಂವ್ಚೆಂ ಮ್ಹಳ್ಳ್ಯಾ ವಿಶಿಂ ತಿಣೆ ಸಮ್ಜಣಿ ದಿಲಿ. ಇಸ್ಕೊಲಾಚಿ ಮುಖೆಲ್ ಮೆಸ್ತಿರ್ಣ್ ಶ್ರೀಮತಿ ಎಮಿಲ್ಡಾ ಮೊಂತೆರೊನ್ ಇಸ್ಕೊಲ್ ಲ್ಹಾನ್ ಅಸ್ಲ್ಯಾರ್‍ಯೀ ಭುಗ್ರ್ಯಾಂಕ್ ಸುರ್ವೆರ್‍ಚ್ ಬರಿಂ ಮೌಲ್ಯಾಂ ಇಸ್ಕೊಲಾಂತ್ ಮೆಳ್ತಾತ್. ಅನಿ ಭುಗ್ರ್ಯಾಂಕ್ ಇಸ್ಕೊಲಾಕ್ ಹಾಡ್ಚ್ಯಾ ವಾಹನಾಂ ವಿಶಿಂ ಆನಿ ಇಸ್ಕೊಲಾಂತ್ ಜಾಂವ್ಚ್ಯಾ ಸರ್ವ್ ರಿತಿಚ್ಯಾ ಚಟುವಟಿಕೆ ವಿಶ್ಯಾಂತ್ ಮಾಹೆತ್ ದಿಲಿ. ನಿಮಾಣೆ ಶ್ರೀಮತಿ ಜಾನೆಟ್ ಲೋಬೊನ್ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ಹೆಂ ಸಗ್ಳೆಂ ಕಾರ್ಯೆಂ ಸಿ| ಲಿಲ್ಲಿ ಸುಪ್ರಿಯಾನ್ ಚಲೊವ್ನ್ ವೆಲೆಂ.
