.png)
ಸಾಂ ವಿಶೆಂತ್ ಫೆರೆರ್ ಕಿಂಡರ್ ಗಾರ್ಟನ್ ಶಿಕ್ಷಕಾಂಚೊ ದೀಸ್ ಸೆಪ್ಟೆಂಬರ್ ಮಹಿನ್ಯಾಚ್ಯಾ 1 ವೆರ್ ಸಕಾಳಿಂ 10 ವೊರಾಂ ಥಾವ್ನ್ 11.30 ವೊರಾಂ ಪರ್ಯಾಂತ್ ಚಲ್ಲೊ. ಸುರ್ವೆರ್ ನರ್ಸರಿಚ್ಯಾ ಭುಗ್ರ್ಯಾಂನಿ ನೃತ್ಯಾ ದ್ವಾರಿಂ ಕಾರ್ಯಕ್ರಮಾಚಿ ಸುರ್ವಾತ್ ಕೆಲಿ. ಶ್ರೀಮತಿ ಜೆನೆಟ್ ಲೋಬೊನ್ ಸಂಸಾರಾಚ್ಯಾ ಸರ್ವ್ ಶಿಕ್ಷಕಾಂ ಖಾತಿರ್ ಮಾಗ್ಣೆಂ ಅರ್ಪಿಲೆಂ. ಮುಖೆಲ್ ಸಯ್ರಿ ಜಾವ್ನ್ ಶ್ರೀಮತಿ ಪ್ಯಾಟ್ಸಿ ಪಿಂಟೊ, ಮಾ| ಬಾ| ಜೇಮ್ಸ್ ಡಿ’ಸೋಜ, ಸಹಾಯಕ್‍ ವಿಗಾರ್ ಮಾ| ಬಾ| ನವೀನ್‍ ಪಿಂಟೊ ಹಾಜಿರ್ ಆಸ್‍ಲ್ಲೆ.
ಇಸ್ಕೊಲಾಚ್ಯಾ ಮುಖೆಲ್ ಮೆಸ್ತಿರ್ಣ್ ಶ್ರೀಮತಿ ಎಮಿಲ್ಡಾ ಮೊಂತೋರೊನ್ ಫುಲಾಂಚೊ ತುರೊ ದೀವ್ನ್ ಸ್ವಾಗತ್ ಕೆಲೊ. ನರ್ಸರಿ, ಎಲ್.ಕೆ.ಜಿ., ಯು.ಕೆ.ಜಿ. ಭುಗ್ರ್ಯಾಂನಿ ತಾಂಚಾ ಶಿಕ್ಷಕಾಂ ವಿಶಿಂ ತಾಂಚಿ ಭೊಗ್ಣಾಂ ಉಚಾರ್ಲಿಂ ತಶೆಂಚ್ ನೃತ್ಯಾಂ ಆನಿ ಪದಾಂ ದ್ವಾರಿಂ ದಿಸಾಚೊ ಮಹತ್ವ್ ದಾಕೊವ್ನ್ ದಿಲೊ.
ವಿಗಾರ್ ಬಾಪಾನಿಂ ತಾಂಚ್ಯಾ ಸಂದೇಶಾಂತ್ ‘ಶಿಕ್ಷಕಿ’ ಮ್ಹಳ್ಯಾರ್ ಕೋಣ್ ? ಹ್ಯಾ ವಿಶಿಂ ಮಹತ್ವ್ ಕಿತೆಂ ಮ್ಹಣ್ ವಿವರ್ಸಿಲೆಂ ಆನಿ ಸರ್ವ್ ಶಿಕ್ಷಕಾಂಕ್ ಶುಭಾಶಯ್ ಪಾಠಯ್ಲೆ. ತಶೆಂಚ್ ಲ್ಹಾನ್ ಭುಗ್ರ್ಯಾಂಚಿ ಜವಾಬ್ದಾರಿ ವರ್ತಿ ಮ್ಹಣೊನ್ ತಾಂಚಾ ವಾವ್ರಾಕ್ ಶಾಬಾಸ್ಕಿ ಪಾಠಯ್ಲಿ.
ಮುಖೆಲ್ ಸಯ್ರಿ ಶ್ರೀಮತಿ ಪ್ಯಾಟ್ಸಿ ಪಿಂಟೊನ್ ಚಡಾವತ್ ಆಮ್ಚ್ಯಾ ಭುಗ್ರ್ಯಾಂಚಿ ಅವಯ್ ಬಾಪಯ್ ಶಿಕ್ಪಿ ನೈ ಜಾಲ್ಯಾರಿ ಆತಾಂ ಇಸ್ಕೊಲ್ ಎಕ್ ಉನ್ನತ್ ಮಟ್ಟಾಕ್ ಪಾವ್‍ಲ್ಲ್ಯಾಕ್ ಸಂತೊಸ್ ಉಚಾರ್ಲೊ ಆನಿ ಶಿಕ್ಷಕಿಂಕ್ ಶುಭಾಶಯ್ ಪಾಠಯ್ಲೆಂ.
ನಿಮಾಣೆಂ ವಿಗಾರ್ ಬಾಪಾಂನಿ ಶಿಕ್ಷಕಿಂಕ್ ಇನಾಮಾಂ ವಾಂಟ್ಲಿಂ. ಶ್ರೀಮತಿ ಎಡೊಲಿನ್ ಸೊನ್ಸ್ ಹಿಣೆಂ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ಶ್ರೀಮತಿ ನ್ಯಾನ್ಸಿ ಡಿ’ಸೋಜಾನ್‍ ಸಗ್ಳೆಂ ಕಾರ್ಯೆಂ ಚಲವ್ನ್‍ ವ್ಹೆಲೆಂ. ಭುಗ್ರ್ಯಾಂಕ್ ಕೇಕ್ ಆನಿ ಪೀವನ್‍ ದೀವ್ನ್ ಕಾರ್ಯೆಂ ಸಂಪಯ್ಲೆಂ.
