Other News

ವಾರಾಡ್ಯಾ ಹಂತಾರ್ ಎಪಿಸ್ಕೋಪಲ್ ಸಿಟಿ ವಾರಾಡ್ಯಾಚ್ಯಾ ಪಯ್ಲೊ ಕುಮ್ಗಾರ್ ಮೆಳ್ ಲ್ಲ್ಯಾ ಭುಗ್ರ್ಯಾಂ ಥಾವ್ನ್ 7 ವಿ ಕ್ಲಾಸಿಚ್ಯಾ ಭುಗ್ರ್ಯಾಂ ಪರ್ಯಾಂತ್ ಎಕಾ ದಿಸಾಚೆಂ ಶಿಬಿರ್ ಭುಗ್ರ್ಯಾಂ ಖಾತಿರ್ ದಸೆಂಬರ್ 12 ವೆರ್ ಗೋಲ್ಡನ್ ಜ್ಯುಬಿಲಿ ಸಭಾ ಸಾಲಾಂತ್ ಮಾಂಡುನ್ ಹಾಡ್ ಲ್ಲೆಂ. ವಿಗಾರ್ ಜೆರಾಲ್ ಮಾ| ಡೆನ್ನಿಸ್ ಮೊರಾಸ್ ಪ್ರಭು ಹಾಣಿಂ ಶಿಬಿರ್ ಉಗ್ತಾವಣ್ ಕೆಲೆಂ.  ವಿಗಾರ್ ಬಾಪ್ ಜೇಮ್ಸ್ ಸೊಜಾನ್ ಶಿಬಿರಾಕ್ ಬರೆಂ ಮಾಗ್ಲೆಂ.  ಬಾಪ್| ಫ್ರಾನ್ಸಿಸ್ ಡಿ’ಸೋಜಾನ್ ಶಿಬಿರಾಚೊ ಉದ್ದೇಶ್ ಭುಗ್ರ್ಯಾಂಕ್ ಕಳಯ್ಲೊ.  ಉಪ್ರಾಂತ್ ಬಾಪ್ ರೂಪೆಸ್ ಮಾಡ್ತಾನ್ “ಮರಿ ಮಾಂಯ್ ಭುಗ್ರ್ಯಾಂಕ್ ಪ್ರೇರಣ್” ತಶೆಂಚ್ ಬಾಪ್ ಗ್ರೇಶನಾನ್ ಬಾಳೊಕ್ ಜೆಜುಚೊ ಮೇಳ್ ಹಾಚೆಂ ವಿಶ್ಯಾಂತ್ ಶಿಕೊವ್ನ್ ದಿಲಿ.    ಮಾ| ಬಾ| ನೆಲ್ಸನ್ ಆಲ್ಮೆಡಾನ್ ತಯಾರ್ ಕೆಲ್ಲಿಂ ದೋನ್ ಲ್ಹಾನ್ಶಿಂ ಫಿಲ್ಮಾಂ My Country My Life ತಶೆಂಚ್ My Teacher My School ಪ್ರದರ್ಶನ್ ಕೆಲಿಂ.  ಉಪ್ರಾಂತ್ ಭುರ್ಗಿಂ ದಾದೊಶಿ ಚಿಕನ್ ಬಿರಿಯಾಂನಿ ಜೆವ್ಲಿಂ.

ದನ್ಪಾರಾಂ ಉಪ್ರಾಂತ್ ಫಿರ್ಗಜೆಚ್ಯಾ ಭುಗ್ರ್ಯಾಂಥಾವ್ನ್ ನಾಟ್ಕುಳೊ, ಮನೋರಂಜನ್ ಜೆವ್ಣಾ ಉಪ್ರಾಂತ್ ಪ್ರದರ್ಶಿತ್ ಜಾಲೆಂ.  ಗೊವ್ಳಿ ಬಾಪಾಂನಿ ಭುಗ್ರ್ಯಾಂನಿ ಮರಿಯೆಚೊ ಮೋಗ್ ಕರುಂಕ್ ಆನಿ ಕೊಂತಾಚೊ ತೇರ್ಸ್ ಮ್ಹಣೊಂಕ್ ಉಲೊ ದಿಲೊ.

ಮಾ| ಬಾಪ್ ನವೀನ್ ಪಿಂಟೊ ಆನಿ ಮಾ| ಬಾ| ಅನಿಲ್ ಲೋಬೊನ್ ಕಾರ್ಯೆಂ ನಿರ್ವಾಹಣ್ ಕೆಲೆಂ.  ನಿಮಾಣೆಂ ಸಾಂಜೆರ್ ಗ್ರೊಟ್ಟ್ಯಾ ಪರ್ಯಾಂತ್ ಪುಶ್ರ್ಯಾಂವಾರ್ ತೇರ್ಸ್ ಮ್ಹಣೊನ್, ಐಸ್‍ಕ್ರೀಮ್ ವಾಂಟ್ಚ್ಯಾ ಮುಕಾಂತ್ರ್ ಕಾರ್ಯೆಂ ಸಂಪ್ಲೆಂ.