.png)
Aug 11, 2016 : ಸಹೆಲಿ ಸoಘಟನಾಚಿ ಅಧ್ಯಕ್ಷಿಣ್ ಶ್ರೀಮತಿ ಲೀನಾ ಫೆರ್ನಾಂಡಿಸ್, ನಿಕಟ್ ಪೂರ್ವ್ ಅಧ್ಯಕ್ಷಿಣ್ ಶ್ರೀಮತಿ ಲೀನಾ ಸಲ್ಡಾನ ಆನಿ ಕಥೊಲಿಕ್ ಸಭೆಚೊ ಅಧ್ಯಕ್ಷ್ ಶ್ರೀಮಾನ್ ಪೆಟ್ರಿಕ್ ಸೋಜ್ ಸರ್ವಾನಿಂ ಸಂಗಿಂ ಮೆಳೊನ್ ಸಮಾಲೋಚನ್ ಕರ್ನ್ ಮನ್ಶ್ಯಾ ಜಿವಿತಾಂತ್ ಜನ ಜಾಗೃತಿ ಆಸಾ ಕರ್ಚ್ಯೆ ಖಾತಿರ್ ಆಗೊಸ್ಟ್ 7 ತಾರಿಕೆರ್ ಸಾಂಜೆರ್ 5 ವೊರಾರ್ ಉದಕ್ ಜಿರೊಂವ್ಚೆಂ ವಿಧಾನ್ ಕಾರ್ಯಕ್ರಮ್ ಫೆರೆರ್ ಹೊಲಾಂತ್ ಮಾಂಡುನ್ ಹಾಡ್‍ಲ್ಲೆಂ.
ಶ್ರೀಮತಿ ಜೆಸ್ಸಿ ಬಾರೆಟ್ಟೊನ್ ಪ್ರಾರ್ಥನ್ ಗೀತಾ ದ್ವಾರಿ ಕಾರ್ಯಕ್ರಮಾಚಿ ಸುರ್ವಾತ್ ಕೆಲಿ. ಫಿರ್ಗಜ್ ವಿಗಾರ್ ಮಾನಾಧಿಕ್ ಬಾಪ್ ಜೇಮ್ಸ್ ಡಿ’ಸೋಜ ಕಾರ್ಯಕ್ರಮಾಕ್ ಹಾಜರ್ ಆಸ್‍ಲ್ಲೆ. ಪ್ರಸ್ತುತ್ 8 ವರ್ಸಾಂ ಥಾವ್ನ್ ಅ.ಔ.ಆ.P. ಂತ್ ವಾವ್ರ್ ದೀವ್ನ್ ಆಸ್‍ಲ್ಲೆ ಶ್ರೀ ಡೆನಿಸ್ ಸೋಜ್ ಸಂಪನ್ಮೂಳ್ ವ್ಯಕ್ತಿ ಜಾಔನ್ ಕಾರ್ಯಕ್ರಮಾಕ್ ಆಯಿಲ್ಲೆ ಕಥೊಲಿಕ್ ಸಭೆಚಿ ಕಾರ್ಯದರ್ಶಿ ಶ್ರೀಮತಿ ಲಿಝಿ ಪಿಂಟೊನ್ ಸರ್ವಾಂಕ್ ಸ್ವಾಗತ್ ಕೆಲೊ ಆನಿ ಸಂಪನ್ಮೂಳ್ ವೆಕ್ತಿಚಿ ಪರಿಚಯ್ ಕರ್ನ್ ದಿಲಿ.
ಮಾ|ಬಾಪ್ ಜೇಮ್ಸ್ ಡಿ’ಸೋಜಾನ್ ಫುಲಾಂಚೊ ತುರೊ ದೀವ್ನ್ ಶ್ರೀ ಡೆನಿಸ್ ಡಿ’ಸೋಜಕ್ ಕಾರ್ಯಕ್ರಮಾಕ್ ಸ್ವಾಗತ್ ಕೆಲೊ. ಆನಿ ಮನ್ಶ್ಯಾ ಜಿವಿತಾಂತ್ ಉದಕ್ ಭೋವ್ ಗರ್ಜೆಚೆಂ ಮ್ಹಳ್ಳೊ ಮಟ್ವೊ ಸಂದೇಶ್ ಹಾಜರ್ ಆಸ್‍ಲ್ಲ್ಯಾ ಸರ್ವಾಂಕ್ ದಿಲೊ.
ಮಾನೆಸ್ತ್ ಶ್ರೀ ಡೆನಿಸ್ ಸೋಜನ್ ಉದಕ್ ಜಿರೊಂವ್ಚೆಂ ವಿಧಾನ್ ಹ್ಯಾ ವಿಶಿಂ ಸವಿಸ್ತಾರ್ ಮಾಹೆತ್ ದಿಲಿ. ನೈಸರ್ಗಿಕ್, ಸಂಪನ್ಮೂಳ್ ಜಾವ್ನಾಸ್ಚೆಂ ಉದಕ್, ಮಾತಿ, ರಾನ್ ಮನ್ಜಾತ್ ಆನಿ ಮನಿಸ್ ಹಾಂಚ್ಯಾ ಸರ್ವಾಂ ಪಯ್ಕಿ ಉದಕ್‍ಚ್ಚ್ ಶ್ರೇಷ್ಟ್ ಸ್ಥಾನ್ ಘೆತಾ. ಮನ್ಶ್ಯಾಚ್ಯಾ ಕುಡಿಂತ್ ಆಸ್ಚ್ಯಾ ರಗ್ತಾಂತ್ 82- 90 % ಉದಕ್ ಆಸೊನ್ ಉದಕ್ ಮಹತ್ವಾಚೆಂ ಸ್ಥಾನ್ ಘೆತಾ.
ಆಮ್ಚ್ಯಾ ಕರಾವಳಿ ಪ್ರದೇಶಾಂತ್ ವರ್ಸಾಕ್ 350 ಸೆಂಟಿ ಮೀಟರ್ – 450 ಸೆಂಟಿ ಮೀಟರ್ ಪಾವ್ಸ್ ಪಡ್ತಾ. ಹಾಕಾ ಪರಿಹಾರ್ ಜಾವ್ನ್ ಮಳೆ ನೀರು ಕೊಯ್ಲು, ಜಲನಯನ ನಿರ್ವಹಣ್ ಕರ್ಚೆಂ, ರಾಂವ್ಚೆಂ ಉದಾಕ್ ಚಲ್ಚೆ ಬರಿ ಕರ್ನ್, ಚಲ್ಚೆಂ ಉದಕ್ ರಾವೊನ್ ನಿರ್ಧಿಷ್ಟ್ ಜಾಗ್ಯಾರ್ ಜಿರೊಂವ್ಚೆಂ ಹ್ಯಾ ವಿಶಿಂ ಪಿಂತುರಾಂ ಸಮೇತ್ ಸೊಡೊವ್ನ್ ದಾಕವ್ನ್, ಮನ್ಶ್ಯಾ ಜಿವಿತಾಂತ್ ಉದಕ್ ಮ್ಹಳ್ಳ್ಯಾ ನೈಸರ್ಗಿಕ್ ಸಂಪನ್ಮೂಲಾಚೆಂ ಆಸ್ತಿತ್ವ್, ಸ್ಥಾನ್ ಮಾನ್, ಮಹತ್ವ್, ಸಮಸ್ಯೆ ಪರಿಹಾರ್, ಸಂರಕ್ಷಣ್ ಆನಿ ಹಾಂಚೊ ಜಾಣ್ವಾಯೆಚೊ ಉಪಯೋಗ್ ಹ್ಯಾ ವಿಶಿಂ ಸವಿಸ್ತಾರ್ ರಿತಿನ್ ಮಾಹೆತ್ ದಿಲಿ.
ಹಾಜರ್ ಆಸ್‍ಲ್ಲ್ಯಾ ಸಬಾರಾಂಚ್ಯಾ ಸವಾಲಾಂಕ್ ಶ್ರೀ ಡೆನಿಸ್ ಡಿ’ಸೋಜನ್ ಜೊಕ್ತ್ಯೊ ಜಾಪಿ ದಿಲ್ಲ್ಯೊ. ಶ್ರೀಮತಿ ಗ್ರೆಟ್ಟಾ ಡಿ’ಸೋಜನ್ ಜಮ್ಲೆಲ್ಯಾ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. 7.30 ವೊರಾರ್ ಕಾರ್ಯೆ ಸಂಪ್ಲೆಂ.
