Parish News

ಆಗೊಸ್ತ್ 25, 2016: ವಾಲೆನ್ಸಿಯಾ ಫಿರ್ಗಜಿಚ್ಯಾ ವಾರ್ಷಿಕ್ ಕಾರ್ಯಾವಳಿ ಫರ್ಮಾಣೆಂ ‘ಕೊಂಕ್ಣಿ ದೀಸ್’ ಆಚರಣ್ ಆಗೊಸ್ತ್ 21ವೆರ್ ಜ್ಯುಬಿಲಿ ಸಲಾಂತ್ ಸಂಭ್ರಮಾನ್ ಆಚರಣ್ ಕೆಲೊ.  ಆರಂಭಾರ್ ಭುಗ್ರ್ಯಾಂಚ್ಯಾ ಗಾಯನ್ ಮಂಡಳಿನ್ ಪ್ರಾರ್ಥನ್ ಗೀತ್ ಗಾವ್ನ್ ದೆವಾಚೊ ಆಧಾರ್ ಮಾಗ್ಲೊ.

-    ಹರೆಕಾ ವಾಡ್ಯಾ ಥಾವ್ನ್ ಕೊಂಕ್ಣಿಂತ್ ನಾಚ್, ಪದಾಂ, ಮಾಂಡೊ, ನಾಟ್ಕುಳೊ, ವೊವಿಯೊ ಆನಿ ಇತರ್ ವಿಡಂಬನಾತ್ಮಕ್ ತಶೆಂ ವಿವಿಧ್ ಸಂದೇಶ್ ಅಟಾಪ್ಚಿಂ ಕಾರ್ಯಿಂ ಮಾಂಡುನ್ ಹಾಡ್ಲ್ಲಿಂ.
-    ಮಾನೆಸ್ತ್ ಐವನ್ ಸೋಜಾಕ್ - ಕರ್ನಾಟಕಾಚೊ ಪ್ರಮುಖ್ ಸಚೇತಕ್ ಜಾವ್ನ್ ವಿಂಚುನ್ ಅಯ್ಲ್ಲ್ಯಾ ಸಂದರ್ಭಿಂ ಫುಲಾಂ ಝೆಲ್ಯಾಚೊ ಮಾನ್ ಅರ್ಪುನ್ ಅಭಿನಂದನ್ ಪಾಟಯ್ಲೆಂ.  
-    ತಶೆಂಚ್ ಮಾನೆಸ್ತ್ ಅನಿಲ್ ಲೋಬೊ ಕಥೊಲಿಕ್ ಸಭೆಚೊ ಕೇಂದ್ರಿಯ್ ಅಧ್ಯಕ್ಷ್ ಜಾವ್ನ್ ಚುನಾಯಿತ್ ಜಾಲ್ಲ್ಯಾ ವಗ್ತಾ ಅಭಿಮಾನಾನ್ ಫುಲಾಂ ಝೆಲೊ ಮಾನ್ ದೀವ್ನ್ ಅಭಿನಂದನ್ ಪಾಟಯ್ಲೆಂ.
-    ಕಾರ್ಯಾಕ್ ಮುಖೆಲ್ ಸಯ್ರೊ ಜಾವ್ನ್ ಬೊ|ಮಾ|ಬಾ| ಜೆ. ಬಿ. ಕ್ರಾಸ್ತಾ ಎಪಿಸ್ಕೊಪಲ್ ಸಿಟಿ ವಾರಾಡ್ಯಾಚೊ ವಿಗಾರ್ವಾರ್ ಹಾಜಿರ್ ಆಸೊನ್ ಅಸಲೆಂ ಆಪುರ್ಬಾಯೆಚೆಂ ಕಾರ್ಯೆಂ ಮಾಂಡುನ್ ಹಾಡ್ಲ್ಲ್ಯಾ ಪಾಸೊತ್ ಹೊಗ್ಳಿಕ್ ಉಚಾರ್ಲಿ.
-    ವಿಗಾರ್ ಬಾಪಾನಿ ಜೆವ್ಣಾ ಆದಿಂ ಮಾಗ್ಣೆಂ ಕೆಲೆಂ
-    ವೆದಿ ಸೆವಾ ಭೆಟಯ್ಲ್ಲ್ಯಾ ಅತ್ಯುತ್ತಮ್ ಆಲ್ತಾರ್ ಭುಗ್ರ್ಯಾಂಕ್ ಇನಾಮಾ ದೀವ್ನ್ ತಾಂಚಿ ಸೆವಾ ವಾಖಾಣ್ಲಿ.
-    ಕಾರ್ಯಾಚಿ ವಿಶೇಷ್ ಆಕರ್ಷಣ್ ಶಿರೊತಿಚೆರ್ ಉಂಡ್ಯಾ ಮಾಸಾಚೆಂ ಜೆವಣ್.

ಹರೇಕಾ ವಾಡ್ಯಾ ಥಾವ್ನ್ 5 ಕಿಲೊ ದುಕ್ರಾಮಾಸ್ ರಾಂದುನ್ ಹಾಡ್ಲ್ಲೆಂ.  ಪಂಗ್ತಿರ್ ಬಸೊನ್ ಸರ್ವಾಂನಿ ಉಂಡ್ಯಾ ಮಾಸಾಚೆಂ ಜೆವಣ್ ಸೆವ್ಲೆಂ.  ಯುವಜಣಾಂಕ್ ತಶೆಂ ಭುಗ್ರ್ಯಾಂಕ್ ಹೆಂ ಕಾರ್ಯೆಂ ವಿಶೇಷ್ ಆಕರ್ಷಣಾಚೆಂ ಜಾಂವ್ಕ್ ಪಾವ್ಲೆಂ. ಸರ್ವಾಂನಿ ಹ್ಯಾ ಕಾರ್ಯಾ ವಿಶ್ಯಾಂತ್ ಧಾದೊಸ್ಕಾಯ್ ಉಚಾರ್ಲಿ.  ವಾಡ್ಯಾಂತ್ ಕುಟ್ಮಾಂ ಮದ್ಲೊ ಬಾಂಧ್, ಎಕ್ವಟ್, ಸಾಂಗಾತ್ಪಣ್ ಸರ್ವಾಂಚ್ಯಾ ಮೆಚ್ವಣೆಕ್ ಪಾತ್ರ್ ಜಾಲೆಂ.

-    ಮಾನೆಸ್ತ್ ಅರುಣ್ ರಾಜ್ ರೊಡ್ರಿಗಸಾನ್ ಕಾರ್ಯೆಂ ನಿರ್ವಾಹಣ್ ಕೆಲೆಂ
-    ಮಾಸೆಸ್ತಿನ್ ಲಿಝಿ ಪಿಂಟೊನ್ ಸರ್ವಾಂಕ್ ಯೆವ್ಕಾರ್ ಮಾಗ್ಲೊ.

More Photos...