.png)
ಅಕ್ಟೋಬರ್ 30, 2016 ತಾರಿಕೆರ್ ಗೊವ್ಳಿಕ್ ಪರಿಷದೆಚ್ಯಾ ಸಾಂದ್ಯಾಂಕ್ ಎಕಾ ದಿಸಾಚೆಂ ಪಿಕ್‍ನಿಕ್ ಅಸಾ ಕೆಲ್ಲೆಂ. ಸಾಕಾಳಿಂ 9.30 ವೊರಾರ್ ವಾಲೆನ್ಸಿಯಾ ಇಗರ್ಜೆ ಥಾವ್ನ್ ಪಯ್ಣ್ ಸುರ್ವಾತ್ ಜಾಲೆಂ. ಮಾ|ಬಾ|ಅರುಣ್ ಲೊಬೊನ್ ಮಾಗ್ಣ್ಯಾ ಮುಕಾಂತ್ರ್ ದೆವಾಚೊ ಆರ್ಶೀವಾದ್ ಮಾಗೊನ್ ಪಯ್ಣಾಕ್ ಸುರ್ವಾತ್ ದಿಲಿ. ಜುಸ್ತ್ 10 ವೊರಾರ್ ಸುರತ್ಕಾಲ್‍ಚ್ಯಾ ಹೊಸಬೆಟ್ಟು ಮ್ಹಳ್ಳ್ಯಾ ಜಾಗ್ಯಾರ್ ವಚೊನ್ ಪಾವ್ಲ್ಯಾಂವ್.
ಉಪಾಧ್ಯಕ್ಷ್ ಅರುಣ್ ರಾಜಾನ್ ವಿವಿಧ್ ಮನೋರಂಜನ್ ದಿಂವ್ಚೆಂ ತಸಲೆ ಖೆಳ್ ಮಾಂಡುನ್ ಹಾಡ್ಲೆ. ಜಿಕ್ಲೆಲ್ಯಾಂಕ್ ಇನಾಮಾಂ ವಾಂಟ್ಲಿಂ. ಮಾನೆಸ್ತ್ ಡೊಲ್ಫಿ ಸಲ್ದಾನಾನ್ ಹಾಸ್ಯಾಭರಿತ್ ರಿತಿರ್ ಭಲಾಯ್ಕಿ ಮಾಗ್ಲಿ. ಸರ್ವ್ ಸಾಂದ್ಯಾಂನಿ ಪದಾಂ, ಗಾಯನಾಂ ಆನಿ ನೃತ್ಯಾ ಮುಕಾಂತ್ರ್ ದಾಧೊಸ್ಕಾಯ್ ವಾಂಟುನ್ ಘೆತ್ಲಿ. ಥೊಡ್ಯಾ ಸಾಂದ್ಯಾಂನಿ ಮುಕೆಲ್ಪಣಾಚೊ ಅನ್ಭೋಗ್ ವಾಂಟುನ್ ಘೆತ್ಲೊ.
ರುಚಿಕ್ ಜೆವಣ್ ಜಾತಚ್ ಹೌಸಿ ಹೌಸಿ ಖೆಳ್ ಮಾಂಡುನ್ ಹಾಡ್ಲೊ. ಜಿಕ್ಲೆಲ್ಯಾಂಕ್ ಇನಾಮಾಂ ದಿಲಿಂ. ನಿಮಾಣೆಂ ದರ್ಯಾ ದೆಗೆರ್ ವಚೊನ್ ಥೊಡೊ ವೇಳ್ ಖರ್ಚಿಲೊ. ವಿಗಾರ್, ಸಹಾಯಕ್ ವಿಗಾರ್ ಸಾಂಗಾತಾ 35 ಜಣಾಂನಿ ಹ್ಯಾ ಪಿಕ್‍ನಿಕಾಂತ್ ವಾಂಟೊ ಘೆತ್ಲೊ.
