.png)
ನವೆಂಬರ್ 14, 2016 ತಾರಿಕೆರ್ ಸಾಂಜೆರ್ 5.00 ವೊರಾರ್‍ ಇಗರ್ಜೆಚ್ಯಾ ಗೋಲ್ಡನ್‍ ಜ್ಯುಬಿಲಿ ಸಾಲಾಂತ್ ಭುಗ್ರ್ಯಾಂಚೊ ದೀಸ್‍ ಆಚರಣ್ ಕೆಲೊ. ಪಯ್ಲ್ಯಾ ಕ್ಲಾಸಿ ಥಾವ್ನ್‍ ಧಾವ್ಯಾ ಕ್ಲಾಸಿ ಪರ್ಯಾಂತ್‍ ಒಟ್ಟುಕ್ 300 ಭುರ್ಗಿಂ ಆಸ್‍ಲ್ಲಿಂ. ಪಯ್ಲೆ ಸುವಾತೆರ್ ಸಹಾಯಕ್ ವಿಗಾರಾಂನಿ ಮಾಗ್ಣ್ಯಾ ವಿಧಿ ಚಲೊವ್ನ್ ವೆಲಿ. ಆನಿ ಭುಗ್ರ್ಯಾಂ ಪಾಸೊತ್ ವಿಶೇಷ್‍ ರಿತಿನ್ ಮಾಗ್ಲೆಂ. ಉಪ್ರಾಂತ್‍ ಕುಮಾರಿ ಸ್ವೀನಿ ಸೊಜಾನ್ ಭುಗ್ರ್ಯಾಂಕ್ ಕ್ಲಾಸ್ ಲೆಕಾನ್ ವಿವಿಧ್ ಮನೋರಂಜನ್ ದಿಂವ್ಚೆ ತಸಲೆ ಖೆಳ್ ಮಾಂಡುನ್ ಹಾಡ್ಲೆ. ರೂಬೆನ್ ಬ್ರ್ಯಾಗ್ಸಾಚ್ಯಾ ಮುಕೇಲ್ಪಣಾಖಾಲ್ ಭುಗ್ರ್ಯಾಂಕ್ ಮನೋರಂಜನ್ ದಿಂವ್ಚ್ಯಾಕ್‍ ಥೊಡಿಂ ನೃತ್ಯಾಂ ಸಾದರ್ ಕೆಲಿಂ.
ಉಪ್ರಾಂತ್‍ ಡ್ರಾಯಿಂಗ್ ಸ್ಪರ್ದ್ಯಾಂತ್‍ ಜಿಕ್ಲೆಲ್ಯಾಂಕ್, ಆಲ್ತಾರ್ ಭುಗ್ರ್ಯಾಂಕ್, ಶಿರೊನಾಮ್ ಸ್ಪರ್ದ್ಯಾಂತ್‍ ಜಿಕ್ಲೆಲ್ಯಾಂಕ್ ಆನಿ ಭುಗ್ರ್ಯಾಂಚ್ಯಾ ದಿಸಾ ಮಾಂಡುನ್ ಹಾಡ್‍ಲ್ಲ್ಯಾ ಖೆಳಾಂತ್ ಜಿಕ್ಲೆಲ್ಯಾಂಕ್ ಇನಾಮಾಂ ವಾಂಟ್ಲಿಂ. ವಿಗಾರ್ ಬಾಪಾನಿ ಭುಗ್ರ್ಯಾಂಕ್ ಮೊಲಾದಿಕ್ ಸಂದೆಶ್ ದಿಲೊ. ಸಹಾಯಕ್ ವಿಗಾರ್, ಫಿರ್ಗಜ್‍ ಉದಾಧ್ಯಕ್ಷ್, ಕಾರ್ಯದರ್ಶಿ ಆನಿ ಥೊಡಿಂ ಭುಗ್ರ್ಯಾಂಚಿ ವ್ಹಡಿಲಾಂ ಹಾಜಿರ್‍ ಆಸ್‍ಲ್ಲಿಂ. ಹರೆಕಾ ಭುಗ್ರ್ಯಾಕ್ ಪೆನ್ನ್ ಆನಿ ನಿಮಾಣೆಂ ಐಸ್‍ಕ್ರೀಮ್ ದೀವ್ನ್‍ ಕಾರ್ಯೆಂ ಆಕೇರ್ ಕೆಲೆಂ.
