Parish News

ವಾಲೆನ್ಸಿಯಾ ಫಿರ್ಗಜೆಕ್ ನವೊ ಸಹಾಯಕ್ ವಿಗಾರ್ ಜಾವ್ನ್ ಮಾ|ಬಾ|ಜೊಸ್ವಿನ್ ಪ್ರವೀಣ್ ಡಿ’ಸೋಜ ಮಾಯ್ ಮಹಿನ್ಯಾಚ್ಯಾ 28 ತಾರಿಕೆರ್ ಸೊಮಾರಾ ಸಾಂಜೆರ್ 4.30 ವರಾರ್ ಉಡುಪಿ ದಿಯೆಸೆಜಿಚ್ಯಾ ಬಾರ್ಕೂರ್ ಫಿರ್ಗಜೆ ಥಾವ್ನ್ ವರ್ಗ್ ಜಾವ್ನ್ ಆಯ್ಲೊ. ಬಾರ್ಕೂರ್ ಚೊ ವಿಗಾರ್ ಮಾ|ಬಾ|ಫಿಲಿಫ್ ನೆರಿ ಆರಾನ್ಹಾ ಸವೆಂ ಫಿರ್ಗಜೆಚೊ ಲೋಕ್ ತಾಂಕಾಂ ಪಾಂವ್ಕ್ ಅಯ್‍ಲ್ಲೊ. ಸಹಾಯಕ್ ವಿಗಾರ್ ಮಾ|ಬಾ|ನವೀನ್ ಪಿಂಟೊನ್ ಮಾಗ್ಣ್ಯಾ ವಿಧಿ ಚಲೊವ್ನ್ ವ್ಹೆಲಿ. ಉಪಾಧ್ಯಕ್ಷ್ ಶ್ರೀ ಆನಿಲ್ ಲೋಬೊನ್ ಫಿರ್ಗಜೆಚಿ ಚರಿತ್ರಾ ವಿವರುನ್ ಸಾಂಗ್ಲಿ.  ಬಾರ್ಕೂರ್ ಆನಿ ವಾಲೆನ್ಸಿಯಾ ಫಿರ್ಗಜೆಚ್ಯಾ ವಿಗಾರಾಂನಿ ಬರೆಂ ಮಾಗ್ಲೆಂ. ಬಾಪ್ ಆರುಣ್ ಲೋಬೊ ವಸ್ತೆ ಯಾಜಕಾನ್ ಕಾರ್ಯೆಂ ಚಲೊವ್ನ್ ವ್ಹೆಲೆಂ. ಉಪ್ರಾಂತ್ ಆಯಿಲ್ಲ್ಯಾ ಸಯ್ರ್ಯಾಂಕ್ ಕಾಫಿ-ಫಳ್ಹಾರ್ ವಾಂಟ್ಲೊ.