Parish News

2018 ಸಪ್ತೆಂಬರ್ 8 ತಾರ್ಕೆರ್ ವ್ಹಡಾ ಸಂಭ್ರಮಾನ್ ಆನಿ ಗದ್ದಾಳಾಯೆನ್ ಆಮ್ಚ್ಯಾ ಫಿರ್ಗಜೆಂತ್ ಮೊಂತಿ ಫೆಸ್ತಾಚೊ ಸಂಭ್ರಮ್ ಚಲ್ಲೊ. ಸಕಾಳಿಂ 7.30 ವ್ಹೊರಾರ್ ವಾಲೆನ್ಸಿಯಾ ಸರ್ಕಲಾಥಾವ್ನ್ ಆನಿ ಗೋರಿಗುಡ್ಡಥಾವ್ನ್ ಪುರ್ಶಾಂವಾರ್ ಲೋಕ್ ಇಗರ್ಜೆಕ್ ಆಯ್ಲೊ. ಉಪ್ರಾಂತ್ ನವೆಂ ಬೆಳೆಂ ಪವಿತ್ರ್ ಕೆಲೆಂ ಆನಿ ಬಾಳಕ್ ಮರಿಯೆಚ್ಯಾ ಇಮಾಜಿ ಸಂಗಿಂ ಇಗರ್ಜೆಚ್ಯಾ ಗ್ರೌಂಡಾರ್ ಪುರ್ಶಾಂವ್ ಕಾಡುನ್ ವ್ಹಡಾ ಭಕ್ತಿನ್ ದೇವ್ ಮಂದಿರಾಂತ್ ಪ್ರವೇಶ್ ಕೆಲೊ. ಉಪ್ರಾಂತ್ ವಿಗಾರ್ ಬಾಪ್ ಜೇಮ್ಸ್ ಡಿಸೋಜ ಹಾಂಣಿಂ ಸಂಭ್ರಮಿಕ್ ಎವ್ಕರಿಸ್ತಾಚೆ ಬಲಿದಾನ್ ಭೆಟಯ್ಲೆಂ. ಸಹಾಯಕ್ ವಿಗಾರ್ ಬಾಪ್ ಜೋಸ್ವಿನ್ ಡಿಸೋಜ ಹಾಂಣಿ ‘ಮರಿ, ಕುಟ್ಮಾ ಜಿವಿತಾಕ್ ಆದರ್ಶ್’ ಮ್ಹಳ್ಳ್ಯಾ ವಿಷಾಯೆಚೆರ್ ಶೆರ್ಮಾಂವ್ ದಿಲೊ.

ಮಿಸಾ ನಂತರ್ ಮ್ಯಾಕೊ ಆನಿ ಎಮ್.ಸಿ.ಸಿ ಬ್ಯಾಂಕಾಚ್ಯಾ ಎಲಿಸಾಂವಾಂತ್ ಜಿಕೊನ್ ಆಯ್ಲಾಲ್ಯಾ ಶ್ರೀ ಐವನ್ ಡಿಸೋಜ ಆನಿ ಶ್ರೀ ಅನಿಲ್ ಲೋಬೊ ಹಾಂಕಾಂ ಸನ್ಮಾನ್ ಕೆಲೊ. ಉಪ್ರಾಂತ್ ಸರ್ವಾಂಕ್ ಶ್ರೀ ಅನಿಲ್ ಲೋಬೊಚ್ಯಾ ಪ್ರಾಯೋಜಕ್ಪಣಾಖಾಲ್ ಫಳಾರ್ ವಾಂಟ್ಲೊ. ಸಾಂಗಾತಾಚ್ ಫೆಸ್ತಾ ಲೆಕಾರ್ ಸರ್ವಾಂಕ್ ಕೊಬು ವಾಂಟ್ಲೊ.