Parish News

2018 ಸಪ್ತೆಂಬರಾಚ್ಯಾ 23 ತಾರ್ಕೆರ್ ಆಯ್ತಾರಾ, ಆಮ್ಚ್ಯಾ ಫಿರ್ಗಜೆಚ್ಯಾ 65 ವರ್ಸಾಂ ವಯ್ಲ್ಯಾ ಪ್ರಾಯೆಚ್ಯಾಂಕ್ ಮಾಲ್ಗಡ್ಯಾಂಚೊ ದಿವಸ್ ಆಚರಣ್ ಕೆಲೊ. ಬಾಪ್ ಅಂತೊನ್ ಸೆರಾ, ಕಥೋಲಿಕ್ ಶಿಕ್ಷಣ್ ಮಂಡಳಿಚೊ ಕಾರ್ಯದರ್ಶಿ ಹಾಂಣಿಂ ಸಂಪನ್ಮೂಳ್ ವ್ಯಕ್ತಿ ಜಾವ್ನ್ ಹೆಂ ಕಾರ್ಯೆಂ ಚಲವ್ನ್ ವೆಲೆಂ. ವಿಗಾರ್ ಬಾಪಾಂನಿ ಅಪ್ಲ್ಯಾ ಅಧ್ಯಕ್ಷೀಯ್ ಭಾಷಣಾ ಸವೆಂ ಕಾರ್ಯಚೊ ಮಹತ್ವ್ ತಿಳ್ಸಿಲೊ ಆನಿ ವ್ಹಡಾ ಸಂಖ್ಯಾನ್ ಆಯಿಲ್ಲ್ಯಾ ಮಾಲ್ಗಡ್ಯಾಂಕ್ ವಂದಿಲೆ. ಬಾಪ್ ಅಂತೊನ್ ಸೆರಾನ್ ಆಪ್ಲಿ ಜಾಣ್ವಯ್ ಮಾಲ್ಗಡ್ಯಾ ಸಂಗಿಂ ವಾಂಟುನ್ ಘೆತ್ಲಿ ಆನಿ ಉತರ್ ಪ್ರಾಯೆರ್ ಆಪ್ಲೆಂ ಜಿವಿತ್ ಕಶೆಂ ಸಾರಿಜಾಯ್ ಮ್ಹಣ್ ತಿಳ್ಸಿಲೆ.

ಉಪ್ರಾಂತ್ ಸಹಾಯಕ್ ವಿಗಾರಾಂನಿ ಮಾಲ್ಗಡ್ಯಾಂಕ್ ಸೂಕ್ತ್ ಜಾಲ್ಲೆ ಖೆಳ್ ಮಾಂಡುನ್ ಹಾಡುನ್ ತಾಂಕಾಂ ಸಂತೊಸ್ಭರಿತ್ ಕೆಲೆಂ. ಉಪ್ರಂತ್ ಮಾನೆಸ್ತ್ ಎಡ್ಮಂಡ್ ಫ್ರ್ಯಾಂಕ್ ಹಾಂಣಿಂ ಮಾಲ್ಗಡ್ಯಾಂಚ್ಯಾ ಸಂಗಟನಾ ವಿಶಿಂ ಸಮ್ಜಣಿ ದಿಲಿ. ಉಪ್ರಾಂತ್ ಬಾಪ್ ಕ್ಲಿಫರ್ಡ್ ಹಾಂಣಿಂ ಮಿಸಾಚೆ ಬಲಿದಾನ್ ಭೆಟಯ್ಲೆಂ ಆನಿ ಅಪುರ್ಬಾಯೆಚೊ ಶೆರ್ಮಾಂವ್ ಮಾಲ್ಗಡ್ಯಾಂಕ್ ಲಗ್ತಿ ಜಾವ್ನ್ ದಿಲೊ ಮ್ಹಣುನ್, ‘ಇಲ್ಲೆಂ ಹಾಸಾ, ಇಲ್ಲೆಂ ನಾಚಾ, ಇಲ್ಲೆಂ ವಾಚಾ ಆನಿ ಇಲ್ಲೆಂ ವಚಾ’. ಮಿಸಾ ವೆಳಾರ್ ಮಾಖ್ಣೆಚ್ಯಾ ತೆಲಾನ್ ಸರ್ವಾಂಕ್ ಪಿಡೆಸ್ತಾಂಚಿ ಮಾಖ್ಣಿ ಸಾಕ್ರಮೆಂತ್ ಕಾರ್ಯಾಚ್ಯಾ ಅಖ್ರೇಕ್ ಜೆವ್ಣಾ ಸವೆಂ ಕಾರ್ಯೆಂ ಅಖೇರ್ ಕೆಲೆಂ.