.png)
ಡಿ. 08, 2017: ಫಿರ್ಗಜ್ ಸಮುದಾಯಾಚೊ ದಿಸಾ ದಶೆಂಬರ್ 3 ಆಯ್ತಾರಾ ಸಾಂಜೆರ್ 4 ವರಾರ್ ಸಂಭ್ರಮಿಕ್ ಮಿಸಾಚೆ ಬಲಿದಾನ್ ಭೆಟೊವ್ನ್ ದೆವಾಕ್ ಅರ್ಗಾಂ ದಿಲಿ. ವಿಗಾರ್‍ವಾರ್ ಭೋವ್ ಮಾ| ಬಾ| ಜೆ. ಬಿ. ಕ್ರಾಸ್ತಾ ಹಾಣಿಂ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಸಹಾಯಕ್ ವಿಗಾರ್ ಮಾ| ಬಾ| ನವೀನ್ ಪಿಂಟೊನ್ ಶೆರ್ಮಾಂವ್ ದಿಲೊ. ಉಪ್ರಾಂತ್ ಉಗ್ತ್ಯಾ ಮೈದಾನಾರ್ ವೆದಿ ಕಾಯೆಂ ಅಸಾ ಕೆಲ್ಲೆಂ. ಮುಕೇಲ್ ಸಯ್ರೆಂ ಜಾವ್ನ್ ಶಾಸಕ್ ಶ್ರೀ ಜೆ. ಆರ್. ಲೋಬೊ; ಎಮ್. ಎಲ್. ಸಿ. ಶ್ರೀ ಐವನ್ ಡಿ’ಸೋಜ; ವಾರಾಡೊ ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ಸಂಚಾಲಕ್ ಶ್ರೀ ರೊಬರ್ಟ್ ಡಿ’ಸೋಜ ಹಾಜಿರ್ ಆಸ್‍ಲ್ಲೆಂ.
ಫಿರ್ಗಜೆಂತ್ ಆಸೊನ್ ಕಲಾ, ನಾಟಕ್, ಕೈಗಾರಿಕೋದ್ಯಮ್, ಧಾರ್ಮಿಕ್, ಸಾಮಾಜಿಕ್, ಅಭಿನಯ್ ಕ್ಷೇತ್ರಾಂತ್ ಸಾಧನ್ ಕೆಲ್ಲ್ಯಾಂಕ್ ಸನ್ಮಾನ್ ಕೆಲೆಂ. ಶ್ರೀ ಸಿಜ್ಯೆಸ್ ತಾಕೊಡೆ ಹಾಣಿಂ ಆಪ್ಲಿ ಭೊಗ್ಣಾಂ ಸನ್ಮಾನಿತಾಂ ತರ್ಭೆನ್ ಉಚಾರ್ಲಿಂ. ಸಮುದಾಯಾಕ್ ಸಂಬಂಧಿತ್ ಕಾರ್ಯೆಂ ಆಸಾ ಕೆಲ್ಲೆಂ. ‘ಮೆಮೊರಿ’ ಪಂಗ್ಡಾ ಥಾವ್ನ್ ಫೊಕಣಾಂ ಆಸ್‍ಲ್ಲಿಂ. ಉಪ್ರಾಂತ್ ಸಂಭ್ರಮಿಕ್ ಜೆವಣ್ ಸೆವ್ನ್, ಬೈಲಾ ನಾಚಾ ಸವೆಂ ಕಾರ್ಯೆಂ ಸಂಪ್ಲೆಂ.
