Small Christian Community News

2018 ಜುಲ್ಯೆ ಮಹಿನ್ಯಾಚ್ಯಾ 22 ತಾರ್ಕೆರ್ ವೆಲೆನ್ಸಿಯಾ ಫಿರ್ಗಜೆಚ್ಯಾ ಗೋಲ್ಡನ್ ಜುಬಿಲಿ ಹೊಲಾಂತ್ ವಾಡ್ಯಾ ಗುರ್ಕಾರಾಂಕ್, ಸಂಚಾಲಕಾಂಕ್ ಆನಿ ಕೋರ್ ಸಮಿತಿಚ್ಯಾ ಸಾಂದ್ಯಾಂಕ್ ಲಾನ್ ಕ್ರಿಸ್ತಾಂವ್ ಸಮುದಾಯೆ ವಿಶಿಂ ತರ್ಭೆತಿ ಕಾರ್ಯಾಗಾರ್ ಮಾಂಡುನ್ ಹಾಡ್ಲೆ. ಸಾಂಜೆರ್ 5.30 ವೊರಾರ್ ಹೆಂ ಕಾರ್ಯಾಗಾರ್ ಆರಂಭ್ ಜಾಲೆಂ. ಬಾಪ್ ಜೋಕಿಮ್ ಫೆರ್ನಾಂಡಿಸ್, ನಿರ್ದೇಶಕ್ ಲಾನ್ ಕ್ರಿಸ್ತಾಂವ್ ಸಮುದಾಯ್, ಹಾಂಚ್ಯಾ ಮುಕೇಲ್ಪಣಾ ಖಾಲ್ ಹಿ ತರ್ಭೆತಿ ಚಲವ್ನ್ ವೆಲೆಂ.

ಸುರ್ವೆರ್ ಪವಿತ್ರ್ ಪುಸ್ತಕ್ ಪುರ್ಶಾಂವಾರ್ ವಿಗಾರ್ ಬಾಪಾಂನಿ ಹಾಡುನ್ ಮಾನಾಚ್ಯಾ ಜಾಗ್ಯಾರ್ ದವರ್ಲೊ ಆನಿ ಸರ್ವ್ ಸಂಯೋಜಕಾಂನಿ ಫುಲ್ ಅರ್ಪುನ್ ಭಕ್ತಿನ್ ಮಾನ್ ಕೆಲೊ. ಬಾಪ್ ಜೋಸ್ವಿನ್ ಡಿಸೋಜ ಹಾಂಣಿಂ ಮಾಗ್ಣೆಂ ಕರುನ್ ದೆವಾಚೊ ಆಧಾರ್ ಮಾಗ್ಲೊ. ಉಪ್ರಾಂತ್ ಶ್ರೀಮತಿ ರೀಟಾ ಮಿನೆಜಸ್, ಶ್ರೀಮತಿ ಜೆಸಿಂತಾ ಮರ್ಲಿನ್ ಡಿಸೋಜಾ ಆನಿ ಬಾಪ್ ಜೋಸ್ವಿನ್ ಪ್ರವೀಣ್ ಡಿಸೋಜಾ ಹಾಂಣಿಂ ಲಾ.ಕ್ರಿ.ಸ ವಿಶಿಂ ಸಂಕ್ಷಿಪ್ತ್ ಶಿಕವ್ಣ್ ದಿಲಿ. ಉಪ್ರಾಂತ್ ಬಾಪ್ ಜೋಕಿಮ್ ಫೆರ್ನಾಂಡಿಸ್ ಲಾ.ಕ್ರಿ.ಸ ಕಿತ್ಯಾಕ್ ಗರ್ಜೆಚೆ ಮ್ಹಳ್ಳ್ಯಾ ವಿಶಿಂ ಉಲಯ್ಲೊ ಆನಿ ಪಂಗ್ಡಾಂನಿ ಲಾ.ಕ್ರಿ.ಸ ವಾಡವಾಳೆಕ್ ಬಾಧಕ್ ಜಾಂವ್ಚ್ಯಾ ಸಮಸ್ಯಾ ವಿಶಿಂ ಆನಿ ಮನೋಭಾವಾ ವಿಶಿಂ ಚರ್ಚಾ ಕರುಂಕ್ ಕರುಂಕ್ ಸಾಂಗ್ಲೆಂ.

ಸಮೆಸ್ತಾಂನಿ ಹಾಂತುನ್ ಕ್ರಿಯಾತ್ಮಕ್ ರಿತಿನ್ ವಾಂಟೊ ಘೆತ್ಲೊ ಆನಿ ಲಾ.ಕ್ರಿ.ಸ ಬಳ್ವಂತ್ ಚಿಂತಾಪ್ ಆಟಾಯ್ಲೆಂ. ಅಖ್ರೇಕ್ ಬಾಪ್ ಜೇಮ್ಸ್ ಡಿಸೋಜಾ ಹಾಂಣಿಂ ಪವಿತ್ರ್ ಪುಸ್ತಕಾಚೊ ಆಶೀರ್ವಾದ್ ದಿಲೊ. ಶೀಮತ್ ಲಿಝಿ ಪಿಂಟೊ ಕಾರ್ಯೆಂ ಚಲಯ್ಲೆಂ.